O PXOM de Mos á espera da
publicación no BOE da eliminación de 3 kilómetros de
autovía
A alcaldesa mosense aclara os
fins electoralistas das difamacións do PSOE e insta ó seu voceiro a que dea a
cara e explique se quere aprobar o Plan incluíndo a autovía
A alcaldesa de
Mos, Nidia Arévalo, informou hoxe sobre o punto no que se atopa o Plan Xeral de
Ordenación Municipal, que está na súa recta final. A rexedora local mosense
asegura que “cumprimos cos prazos do PXOM e a Memoria Ambiental atópase
rematada dende fai dous meses”, ante o ataque desesperado que a este respecto
ven de facer o Partido Socialista de Mos.
E é que o que
está a retrasar o proceso é a eliminación de 3 kilómetros da
autovía, algo que xa é unha realidade pero que non se pode reflectir no Plan
mentres non estea publicado no BOE (Boletín Oficial do Estado). Este tramo
eliminado afectaría a varios dos principais núcleos poboacionais de Mos ó longo
dunha distancia de 3
kilómetros , que chegaría ata a zona de Os Molinos.
A este respecto
Arévalo manifestouse satisfeita e orgullosa, xa que “o Ministerio de Fomento
por fin nos escoitou e fomos capaces de evitar unha nova autovía que volvería
cercenar a Mos, pero eliminar unha infraestrutura viaria desta envergadura non
é tarefa fácil e o procedemento leva un tempo que non podemos obviar”, explicou
a alcaldesa.
Neste sentido
a rexedora local increpa ó voceiro do PSOE de Mos puntualizando que “fai tres
meses que podiamos ter definitivamente aprobado o PXOM, pero coa autovía
pintada no mesmo, e ese era un prezo que nin eu nin o equipo de goberno
estabamos dispostos a pagar, nin a facerllo pagar ós veciños e veciñas de Mos”.
Ademais Nidia
Arévalo considera “lamentable que ata o de agora foramos da man os tres grupos
políticos da Corporación Municipal, PP, PSOE e BNG no proceso de aprobación do
Plan Xeral e agora os socialistas decidan desmarcarse ante a sede desesperada
de armas electorais”, dixo. E apuntou que incluso os nacionalistas suxeriron no
seu día que se levase a información pública do Plan ás parroquias, como así se
fixo, demostrando a boa sintonía política por un ben común de tanta relevancia
para o municipio como é o PXOM.
A alcaldesa de
Mos non quixo tampouco deixar de lembrar que foi no ano 2007 cando unha
alcaldesa socialista permitiu e aprobou que fose adiante unha nova autovía
Vigo-Porriño, que sería nefasta para a localidade mosense e os seus habitantes.
Por último, instou a Alfonso Parada, voceiro do PSOE, a “que diga alto e claro
que quere aprobar o Plan Xeral incluíndo nel a autovía, porque para poder
eliminala no Plan é necesario esperar a que sala publicada dita eliminación no
BOE”.
Ademais, e o
que é máis grave, o Partido Socialista icluso chegou a solicitar, nunha
alegación ó Plan Xeral, presentada con data 7 de febreiro de 2013, que se
incluíse no mesmo a nova autovía Vigo-Porriño. “Por fortuna logramos evitar ese
novo trazado que, de ser polo PSOE, sería hoxe unha realidade”, insistiu a
rexedora local mosense.
Arévalo
considera “rastreira” esta estratexia electoral do PSOE de Mos e “moi grave” a
intencionalidade de alarmar ós veciños con fins únicamente electorais; “cando
ata o de agora estiveron dacordo con todo o relativo ó PXOM”.
“O logro de
evitar unha nova autovía está ahí, e os mosenses saberán velo”, concluiu a
alcaldesa.
|