Temos a obriga de establecer como un dos nosos obxectivos o de contribuír á superación da crise
Sei que compito en tempo difíciles. Asumo a responsabilidade de ser candidato á Alcaldía de Pontevedra nun momento de serias dificultades derivadas da crise económica. Unha crise que ten graves consecuencias sociais pois non só bate dun xeito especial sobre o emprego, senón que tenta abatir á sociedade do benestar.
A sociedade do benestar se distribúe por tódolos niveis da administración, e por iso temos que ser conscientes de que é necesario combater a crise tamén dende os concellos. Temos a obriga de establecer como un dos nosos obxectivos o de contribuír á superación da crise. De instalarnos na crenza de que Pontevedra pode saír reforzada si teimamos en facer entre todos unha mellor cidade.
|
|
