Louro afirma que con seu sitio web, www.antonlouro.org prestará unha especial atención ás xanelas máis abertas do século XXI, que son as pantallas dos ordenadores.
"Cando asumín o reto de encabezar a candidatura do PSdeG-PSOE á Alcaldía de Pontevedra propúxenme, dende o primeiro momento, realizar unha campaña activa, moderna e na que tivera a oportunidade de chegar ao máximo número de pontevedreses para explicarlle o proxecto que os socialistas temos pensado para esta cidade". Así comezou Antón Louro o acto público de persentación do seu despregamento na Internet, baseado nun porrtal web que integra un perfil en Facebook e un canal en Youtube.
O candidato socialista dixo que, como todos, el tamén está moi sorprendido do ritmo no que as novas tecnoloxías estanse a introducir na vida cotián. Ata hai ben pouco era posible traballar sen ordenadores e as posibilidades que ofrece a Rede eran descoñecidas na nosa vida doméstica, continuou. Hoxe vivimos inmersos nun mundo no que pasamos dos pecés aos portátiles, dos portátiles aos netbooks, dos netbooks aos tablet e dos tablet aos modernos terminais telefónicos multimedia.
|
|
