COMUNICADO DE PRENSA
En referencia á información publicada
hoxe por varios medios de comunicación nas que se comunica a dimisión do
presidente de Movexvial “para defenderse de inxurias e calumnias sobre supostos
tratos de favor”do Concello de Vigo a este empresa o Goberno Local quere facer
as seguintes matizacións:“As informacións referidas no seu momento polo diario
El Mundo son falsas,incompletas e non axustadas á realidade. Así se lle
transmitiu ao grupo editorial no seu momento ofrecéndolle para contrastalo toda
a documentación de cada unha das actuacións levadas a cabo por este Goberno
local; información, por certo, igualmente accesible a calquera cidadán ou medio
de comunicación. A adxudicación das obras, tanto as que teñen cargo aos
orzamentos coma as levadas a cabo con fondos estatais, faise a través dun
proceso totalmente legal e transparente. Así o amosa o feito de que todas pasan
por unha Mesa de Contratación na que están representados todos os partidos
políticos e na que hai un representante de Intervención e outro de Asesoría
Xurídica. A empresa adxudicataria foi, en todos os casos, a que obtivo a mellor
untuación nun proceso que avalían exclusivamente técnicos e xurídicos do
Concello.
Na mesa de contratación sempre houbo
unanimidade de todos os seus membros,
incluíndo os concelleiros dos tres grupos políticos con representación
municipal, PP,
PSOE e BNG. E como xa se dixo, todas
as adxudicacións fixéronse a aquelas ofertas
que obtiveron a máxima puntuación.
Tratase, polo tanto, dun proceso non so legal senón tamén límpido e cristalino
no que se valora a mellor oferta presentada, a máis vantaxosa, coma sucedeu no
caso das actuacións adxudicadas á empresa á que se fai referencia.
Cabe clarexar tamén que MOVEXVIAL non
so contou con obras adxudicadas polo Concello de Vigo senón que diversas
administracións públicas de distintos colores políticos como a
Autoridade Portuaria de Vigo, a Xunta de Galicia, a través das distintas
consellerías, ou a Deputación de Pontevedra tamén adxudicáronlle importantes obras.
Todas las adxudicacións levadas a cabo por este Goberno municipal son legais,
transparentes e con garantías”
|
|
