| Programa de voluntariado para persoas con Alzheimer
|
| No Ano Galego do Alzheimer, a Dirección Xeral de Xuventude e Voluntariado e a Secretaría Xeral de Política Social poñen en marcha esta iniciativa co obxectivo de mellorar a calidade de vida das persoas que padecen a enfermidade de Alzheimer e das súas familias e coidadores. |
| Este programa xorde coa idea de fomentar que os cidadáns teñan un maior coñecemento e solidariedade cara ás persoas que padecen esta demencia e contribúan a garantirlle unha vida digna a estas enfermos, na súa maioría persoas maiores. |
| O apoio de persoas voluntarias na atención dos enfermos de
Alzheimer permítelles gozar da compaña doutras persoas e axúdalles a mellorar o
seu estado de ánimo,e para as familias e persoas coidadoras é unha axuda de gran
valor. As persoas voluntarias realizarán nestes Centros fundamentalmente funcións de acompañamento. Estarán dirixidas por un profesional ou responsable do centro e contribuirán a que os usuarios participen nas diversas actividades que se desenvolven no centro, a apoialo na súa mobilidade, a realizar as actividades da súa vida cotiá e a ocupar o seu tempo libre. As persoas que queiran prestar accións de voluntariado con este colectivo poderán colaborar nos seguintes centros dependentes da Consellería de Traballo e Benestar. |
|
|
