V Xuntanza Cabalar do
Club Toxo e Auga Fría
Os días 17, 18 e 19 de
agosto no Monte de Trabazos, Mos
O Club Hípico Toxo e
Auga Fría organiza a súa V Xuntanza Cabalar que se celebrará no Monte de
Trabazos os días 17, 18 e 19 de agosto.
O venres 17 de
agosto terá lugar unha chourizada gratuíta a partir das 21.30 horas e ás 00.00
horas actuará o Dj Pacha. O sábado 18 a marcha cabalar dará comenzo ás 10.30
horas da mañá, ás 14.00 horas celebrarase o xantar campestre no recinto de
Trabazos e ás 17.00 horas realizarase o I Campeonato de Ponipolo. Tamén o sábado
dende as 18.00 horas haberá paseos a cabalo de balde para os membros de
Asodifisi e os nenos e nenas asistentes á xuntanza, ás 21.00 horas farase unha
cea campestre e a partir das 00.00 horas actuará novamente o Dj
Pacha.
Os actos do domingo,
día 19, darán comenzo pola mañá, ás 11.30 horas, coas probas clasificatorias
para a gran gymkhana, ás 14.00 horas será o xantar e a final da gymkhana
empezará ás 16.30 horas. Para rematar esta xuntanza, ás 17.30 horas do domingo
celebrarase a gran proba de salto e a partir das 18.30 horas as cucañas. Tamén o
domingo a organización da xuntanza porá disposición dos máis pequenos unha
colchoneta totalmente gratis.
Todas as persoas que
desexen acampar durante a fin de semana contarán cunha zona habilitada para elo.
|
|
